زاهد علي ڀرڳڙي

زاھد علي ڀرڳڙي : حيدرآباد سان تعلق رکندڙ سياستدان زاھد علي ولد غلام مصطفيٰ ڀرڳڙيءَ جو جنم، 3 جون 1959ع تي حيدرآباد، سنڌ ۾ ٿيو. گورنمينٽ ڪاليج حيدرآباد مان بي. اي (79-1978ع) ڪرڻ کان پوءِ ساڳئي سال سيد حسين شاھھ بخاري سنڌ پيپلز اسٽوڊنٽس فيڊريشن سنڌ جو چيئرمئن ھو تھ زاھد علي ڀرڳڙي سپاف ۾ شامل ٿيو. جڏھن شھيد ذوالفقار علي ڀُٽي پوليس گرائونڊ حيدرآباد ۾ سياسي جلسو ڪيو تھ نوجوان زاھد علي ڀرڳڙي جلسي جي سيڪيورٽي دستي ۾ شامل ھو. 1986ع کان 1997ع تائين حيدرآباد ڪئنٽونمينٽ بورڊ جو وائيس پريزيڊنٽ رھيو. سياسي حوالي سان پيپلز پارٽيءَ جي اڳواڻ طور پھريون ڀيرو 2001ع جي چونڊن ۾ حيدرآباد شھر مان سنڌ اسيمبليءَ جو ميمبر چونڊيو. 2005ع جي ضمني چونڊن ۾ به حصو ورتو. ٽيون ڀيرو 2008ع وارين عام چونڊن ۾ حصو وٺي پيپلز پارٽيءَ جي ٽڪيٽ تي، صوبائي اسيمبليءَ جو ميمبر ۽ فشريز کاتي جو صوبائي وزير مقرر ٿيو.

داخلا ۾ استعمال ٿيل تاريخون

1959.06.03  عيسوي

زاهد علي ڀرڳڙيءَ جو جنم ، 3 جون 1959ع تي حيدرآباد سنڌ ۾ ٿيو

شخصيتون - ڀاڱي جون ٻِيون داخلائون